Iraultzaren garaipena
•1975eko abendua. PCC Kubako Alderdi Komunistaren aurreneko kongresuan, zuzendaritza aukeratu zuten. Alderdiak «iraultzaren batasunaren» bermatzailea izan behar zuela ezarri zuten adostutako dokumentuan, eta azken helburua komunismoa zela. Fidel Castrok historikotzat jo zuen kongresuaren amaiera ekitaldian. Iraultzaren Plazan bildutakoek alderdiaren tesiak babestu zituzten.•1980ko abendua. Mundu zabaleko 140 erakunde «iraultzaile, progresista eta demokratikok» parte hartu zuten II. Kongresuan.
•1986ko otsaila. Iraultzaren garapen ekonomikoa eta soziala nabarmendu zituzten III. Kongresuan. SESB Sobietar Errepublika Sozialisten Batasunaren babesa eskertu zuten.
SESB erori ostean
•1991ko urria. Bloke sozialistaren erorketaren eragina izan zuten hizpide. Krisi ekonomikoaren harira, «zuzenketa prozesuari» ekin zioten, eta «garai berezia» abian jarri.•1997ko urria. PCC «batasunaren alderdia» eta iraultza «bakarra» zirela aldarrikatu zuten. Hazkundea bermatzeko neurriak hartu zituzten.
•2011ko apirila. PCC alderdiaren VI. Kongresua hasi zen.
