Nicolas Sarkozyren 2012ko kanpainako finantzaketaren epaiketa atzeratu dute

PARIS. Frantziako 2012ko presidentetzarako hauteskundeetako kanpaina modu irregularrean finantzatzea egotzita, Nicolas Sarkozy presidente ohiaren kontrako epaiketa hasi zuten atzo Parisen, Frantziako Zigor Auzitegian. Ordea, hitzordua hasi eta berehala hori atzeratzea erabaki zuten epaileek, prozesuan parte hartu behar zuen abokatu batek koronabirusa duelako. Maiatzaren 20an ekingo diote berriz.