Mexikoko armadak narkotrafikatzaileek eraikitako bi tunel aurkitu ditu, AEBetako mugatik gertu. Bietako bat oraindik eraikitzen ari ziren narkotrafikatzaileak, eta bestea, erabilgarri zeukatela jakinarazi dute Polizia iturriek.
AEBetatik 200 metrora aurkitu dute eraikitzen ari ziren tunela, enpresa baten azpian. Ustez plastikoak birziklatzen zituen enpresa baten eraikinean 150 metrotako tunela aurkitu dute, eta mugara ailegatzeko 60 metro falta zitzaizkiela argitu du Poliziak. Bigarren tunel bat ere aurkitu dute herrialdearen iparraldean, mugaren bi aldeetara irteera duena. Azken horretan 50 tona marihuanaaurkitu dituzte.
Mexikoko armadak bi narkotunel aurkitu ditu AEBetako mugan
Iruzkinak
Ez dago iruzkinik
Ordenatu
