Metsola, europarlamentuko presidente

Roberta Metsola Europako Parlamentuko presidente aukeratu zuten atzo. Maltako Alderdi Nazionalistako eurodiputatu demokristauak sozialdemokraten eta liberalen babesa jaso zuen bozketan. 43 urte bete zituen atzo bertan, eta kargu hori hartu duen hirugarren emakumea da, Simone Veilen eta Nicole Fontaineren ondoren.2013tik da eurodiputatua, eta, esate baterako, abortatzeko eskubidearen aurkakoa da. Adostasunak eta zubiak eraikitzeko gaitasuna duela adierazi zuen atzo emandako diskurtsoan.