Matxinada, mutina, jazarraldia, terrorismoa, konspirazioa, armak erabiltzea, armak igortzea, eta delitu bat probokatzea eta horren apologia egitea. Horiek guztiak dira Marcos komandanteordearen kontra 1995ean egindako akusazioak. EZLN Askapen Nazionaleko Armada Zapatistaren burua izandakoa, baina, ez da kartzelara joango. Juan Marcos Davila Rangel Chiapas estatuko epaileak zigorra artxibatu egin du, delituak preskribatu egin direla argudiatuta.
EZLN 1994ko urtarrilaren 1ean matxinatu zen indigenek zuten bazterkeriaren aurka. Egun Chiapasko 50 udalerri daude zapatisten esku. Marcos komandanteordeak 2014ko maiatzean iragarri zuen mugimenduaren eledun izateari utziko ziola. Orduan hildako gerrillari baten izena hartu zuen: Galeano.
SOSLAIA. 'Galeano'
Marcosek ez du kartzelara joan beharko
Iruzkinak
Ez dago iruzkinik
Ordenatu
