Abdel Hakim Belhajek eta Sami al-Saadek auzitara jo dute Erresuma Batuaren kontra, Muammar Gaddafi artean Libiako buruzagi zelarik Abu Salim espetxean egin zizkieten galdeketetan MI6 inteligentzia zerbitzu britainiarreko kideek parte hartu zutela argudiatuta. Londresek informazio hori Erresuma Batuan disidente libiarrak atxilotzeko erabili zuen.
Gaddafiren kontrako oposizioan, Libiako Borroka Talde Islamiarreko burua izan zen Belhaj, eta Abu Salimen jasandako torturen testigantza egin dio Al-Jazeera telebistari. Gaddafi agintetik kendu eta exekutatu ondoren, maila handiko ardurak izan zituzten biek Libiako aginte berrian.
Al-Jazeerak azaldu du Gaddafi menderatu ostean, matxinoek Tripolin aurkitu zituztela Libiako agintari ohiaren eta Erresuma Batuko inteligentzia zerbitzuen arteko lankidetza agerian uzten duten agiriak. 2004an sinatutako hitzarmen bat tartean.
Abu Salim espetxea ezaguna da giza eskubideen urraketa larriengatik: 1.200 preso hil izana ere salatu zuten 1996an.
Libiako galdeketetan nahasi dute MI6 inteligentzia sail britainiarra
Londresek disidenteak atxilotzeko baliatu zuen Erresuma Batuaren eta Muammar Gaddafiren arteko lankidetza ituna
Iruzkinak
Ez dago iruzkinik
Ordenatu
