Corteko Unibertsitatearen ondoko ostatuan jarri dio ordua Rachel Ragettik (Bastia, Korsika, 1997) BERRIAri. Ghjuventu Indipendentista gazte antolakundeko lehendakaria da, hain zuzen ere, eta azken asteotako protestetan gazteek hartu duten lekuaz aritu da.
Gazteriak hartu du protesten protagonismoa. Zer diozu?
Uste dut sanoa dela; politikan bide luzea dutenak errealitatetik pixka bat deskonektatuak direlako. [Yvan] Colonnarekin gertatu dena onartezina da, eta, gainera ,sentitu dugu Frantziako Estatuak afera kukutu nahi izan duela.
Istiluak gertatu dira, eta irudi bortitzak izan dira egunotan...
Bide instituzionala erabat blokeatua da, eta, dena blokeatua denean, zera gelditzen zaigu: indar harreman bortitzagoa eraikitzea, karrikan. Zilegi da, eta beharrezkoa ere bai. Pentsatzen dut horren ondorioa dela Gerald Darmanin [Frantziako Barne] ministroaren etorrera. Ez dut uste 15.000 lagun bildurik ere protesta baketsua egin izan bagenu etortzea erabakiko zuenik. Karrikako indarkeria beharrezkoa izan da oraingoan.
Kolektiboaren parte dira ikasle erakundeak. Zein izan da zuen rola?
Beti izan dira desadostasunak alderdien artean, baina egoera hau dela-eta aldarri berak ditugu, eta gazteok denak batzeko ardura hartu dugu.
Zer espero duzue negoziazioez?
Deus ere ez. Bisita bat gehiago da. Ez du ezer hitzeman, eta ez du ezer hitzemanen.
Ikusi gehiago: Darmanin iritsi bezperan, Korsikako herritarrak kalera atera dira berriro
Rachel Ragetti. Ghjuventu Indipendentista
«Karrikako indarkeria beharrezkoa izan da oraingoan»
![BERRIA. BERRIA.](https://www.berria.eus/uploads/s1/71/06/66/p019-f03.jpeg)
Iruzkinak
Ez dago iruzkinik
Ordenatu