Japoniako Legebiltzarreko oposizioko alderdi nagusiek gobernuaren aurkako zentsura mozioa aurkeztu dute gaur, Naoto Kan lehen ministroaren exekutiboak Fukushimako zentral nuklearraren krisia gaizki kudeatu duelakoan.
Alderdi Liberal Demokratikoak sustatu du ekimena —2009ra artean 54 urtean egon zen gobernuan—. "Kanek ez du herriaren aurrean sinesgarritasunik", esan du aipatutako alderdiak.
Bihar dira mozioaren bozketa egitekoak. Litekeena da gobernuan den Alderdi Demokratikoko kide batzuek ere ekimena babestea eta, beraz, aurrera ateratzeko aukerak lituzke. Hala balitz, lehen ministroak dimisioa eman beharko luke.