Gaur bukatuko du FARC gerrillak Kolonbiako Gobernuarekin hitzartutako bake akordioari buruzko konferentzia historikoa; astelehenean sinatzekoa den hitzarmena babesteko adierazpena kaleratzea espero da. Hortaz eta beste hainbat gaitaz hitz egin du BERRIAk Henry Castellanos Romaña komandantearekin. Hemen aurrerapena:
- "Orain arte estatuarekin abian jarritako prozesu guztiek huts egin dute, ez dutelako hitza bete; ez ziren leialak izan, untxia saldu ziguten".
- "52 urteko borrokak tragedia ugari utzi ditu; hildakoak, umezurtzak, zaurituak, biktimak, desplazatuak, desagertuak, positibo faltsuak...".
- "Gerra honi irtenbide logiko bat bilatu behar zitzaion, eta hori bakea da. Bi aurkarik ezin dutenean elkar garaitu gatazka sozial eta armatuari irtenbide politikoa bilatu behar zaio. Hori izan da munduko herrialde guztien esperientzia".
