Berrogei urteren ondoren, aske geratu daiteke Georges Ibrahim Abdallah Palestinaren aldeko ekintzaile libanoarra. Frantziako Zigorrak Aplikatzeko Epaitegiak gaur agindu du hura baldintzapean aske uzteko, abenduaren 6tik aurrera. Hori bai, baldintza gisa jarri diote Frantziatik joatea, eta inoiz berriro ez itzultzea.
CIAko eta Mossadeko bi agenteren hilketetan parte hartzea egotzi zioten Abdallahri. Lyonen atxilotu zuten, 1984an, eta hil arteko kartzela zigorra ezarri zioten 1987an; 1999. urtetik, ordea, eskubidea izan du aske utzi dezatela eskatzeko. Palestina Askatzeko Herri Fronteko (FPLP) eta Libanoko Frakzio Armatu Iraultzailearen (FARL) kide izandakoa da.
Nolanahi ere, epaitegiaren erabakiaren berri izan eta berehala, Frantziako Terrorismoaren Aurkako Fiskaltzak jakinarazi du helegite bat jarriko duela Abdallah aske geratu dadila eragozteko.
Duela hamar urte, BERRIAk elkarrizketa egin zion Abdallahri.
