Fernando de la Rua Argentinako presidente ohia zendu da

BUENOS AIRES. Fernando de la Rua atzo hil zen, 81 urte zituela. 1999ko Argentinako presidentetzarako bozak irabazi zituen, baina soilik bi urtez egon zen boterean. Izan ere, 2001eko abenduan dimititu zuen. Mauricio Macri egungo presidenteak doluminak eman zizkion bere familiari, eta de la Ruari zion estimua adierazi zuen: «Argentinar guztien esker ona merezi du egin zuen ibilbide demokratikoagatik».