Duterte Filipinetako presidentea ez da aurkeztuko 2022an

MANILA. Rodrigo Duterte Filipinetako presidenteak iragarri du ez dela izango berriro presidentetzetarako hautagaia. 2016an heldu zen kargura, eta agintaldia sei urtekoa da. Filipinetako Konstituzioak dio agintaldi bakarra bete dezakeela pertsona bakoitzak, baina konstituzioa erreformatzeko zirriborroa prestatzen ari dira, eta, filtratutakoaren arabera, pertsona bakoitzak lau urteko bi agintaldi bete ahal izango ditu. Onartuz gero, Dutertek, berez, berriz aurkeztu ahal izango luke.