Belgikak urtebete egin du gobernua osatu gabe

BRUSELA. Belgikan hauteskundeak egin zituztenetik urtebete igaro zen atzo. Denbora honetan, baina, bozak irabazi zituzten alderdiak ez dira gobernua osatzeko gai izan. Flandrian, N-VA Flandriako Aliantza Berria nagusitu zen, eta Valonian, PS Alderdi Sozialista. N-VAk estatu erreforma bat egin nahi du, eskualdeei eskumen gehiago emateko, baina PS ez dago horrekin ados.