Bruselako Fiskaltzak gaur jakinarazi du atxilotu dutela atzo Belgikako hiriburuan epaile bat eta honen laguntzailea hil zituen gizonezkoa. Bruselako parke batean atzeman dute, bart, eta ustezko hiltzaileak une horretan airera tiroak egin ditu, Poliziaren arabera. VRT telebista kate publikoak esan duenez, 47 urteko irandarra da.
Bake epaitegi batean izan ziren bi hilketak. Egileak tiroak egin eta ondoren oinez aldegin zuela esan zuten lekukoek. Komunikabideek esandakoaren arabera, epaile hark ustezko hiltzailea epaitu zuen duela egun batzuk, eta hau erabakiarekin ez zegoen ados. Jean Marc Meilleur Bruselako Fiskaltzaren bozeramaileak, aldiz, hilketen arrazoia oraindik argitzeko dagoela esan du.
belgika
Atxilotu dute Bruselako epaile baten eta honen laguntzailearen ustezko hiltzailea
Atzo izan ziren hilketak, hiriburuko bake epaitegi batean. Tiroz hil zituen gizonezko batek eta ihes egin zuen.
Iruzkinak
Ez dago iruzkinik
Ordenatu
