Aragoiko Mendi Federazioaren Casa de Piedra aterpearen ondotik hasten da ibilbide hau, Panticosako bainuetxean, hain zuzen ere. Pirinioetako GR-11aren bide-seinaleek erakutsi digute hartu beharreko bide zuzena. Aldats gogorrak, Caldarés errekaren eskuineko ertz arrokatsutik eraman gaitu, gure eskuinean ur-jauzi desberdinak utziz. Lehen geldialdi Erreginaren Begiratokira iristean egin dugu, eta aurrerago eskailera-buru belartsu batera irtetean, Bozueloko Belardira heldu gara, non bidexkak arnasa hartzeko aukera ematen duen Bachimañako igoerari aurre egin aurretik. Eremu ireki horren amaieran, Fraidearen aldapan gora doan bidezidorra dago; tarte sigi-sagatsua da, ezkerretik ibaiaren urak amiltzen diren zirku malkartsua gainditzen duena, Fraidearen ur-jauzia osatzen duena. Azken aldats gogorra igo eta gero, Bachimaña goi-iboira iritsi gara eta gertu, aterpe ikusi dugu. Bertatik, igo gara Bachimaña goi-iboiraino. Itzulera ibilbide beretik egin dugu
Haurrekin
Bachimañako iboiak | Menditxiki
![73258027Master 73258027Master](https://www.berria.eus/uploads/s1/59/80/40/5/73258027master.jpeg)
Fitxa teknikoa
- Herrialdea: Euskal Herritik kanpo
- Zailtasuna: Erraza
- Distantzia: 3,3 km.
- Estekak: Wikiloc
Iruzkinak
Ez dago iruzkinik
Ordenatu