Mendia ardatz duten hiru lan berri Durangoko azokan

Durangoko 48. Azoka abian da, eta bertan, besteak beste, mendiari buruzko hiru lan berri aurkituko ditu irakurleak aurten.

Sua argitaletxeak bi lan aurkeztu ditu: Las 50 maravillas naturales de Euskal Herria (Euskal Herriko 50 leku zoragarriak) da horietako bat, argitaletxeko sei lagunek etxearen 25. urteurrena ospatzeko eginiko lana. «Zaila izan da 50 paisaia aukeratzea, 100 ere bageneuzkalako zerrendan», azaldu dute Sua argitaletxekoek.

Bigarren lana Hiru Haundiak da, izen bera duen mendi ibilaldian oinarritutako lana. Gorbeia, Anboto eta Aizkorri lotuz Euskal Herriko hiru tontorrekin egin litekeen mendi ibilbidea deskribatu du Alberto Muruak.

Azkenik, Lo que la nieve esconde (Elurrak ezkutuan daukana). Jokin Azketa (Iruñea, 1957) mendizale eta idazlearen azken eleberriak alpinismoaz eta alpinismoaz idazten dutenez dihardu, eta 2013ko Desnivel Literatura saria eskuratu berri du.