Sit tibi terra levis. Astelehen honetan zendu da Jose Ignacio Vegas Aranburu arkeologo, historialari eta ikertzaile arabarra, 89 urterekin. 1934. urtean jaio zen, eta arkeologian erreferente izateaz gain, argazkilaritzan, zineman, artean eta kulturako beste hainbat arlotan aritu zen bere bizitzan zehar.
Helburu dibulgatzailearekin Arkeologia Museoaren Lagunen Elkartea sortu zuten historialari eta arkeologoetako bat izan zen. Halaber, Aranzadi, Eusko Ikaskuntza eta Euskalerriaren Adiskideen Elkarteko kide izan zen.
