Zituen emanaldiak bertan behera utzi ditu Lurra taldeak

MUSIKA. Iñigo Muguruza taldekideari udaberrian esklerosi anizkoitza diagnostikatu ziotela eta haren egoera «egonkortu arte» ez dutela beste emanaldirik egingo iragarri dute Lurra taldeko kideek, Facebook sare sozialean. Akatsa sisteman (5Gora) argitaratu du aurten Lurrak, taldearen bigarren diskoa. Lehena, Lurra, 2012an kaleratu zuen, autoekoizpenaren bidetik.