Zinetikak ekoitzitako 'The Room' laburra saritu dute Londresko zinemaldi batean

ZINEMA. Laida Aldazek zuzendu eta Zinetika jaialdiak ekoitzitako The Room film laburrari ohorezko saria eman diote London International Monthly Film zinemaldian. Gune itxietan sortzeari buruzko lana da, «bideodantzako film esperimental bat». Bestalde, jakinarazi dute Zinetikaren VI. edizioa 2021eko urriaren 22tik 31ra bitartean egingo dutela, Bilboko, Donostiako eta Iruñeko zenbait aretotan.