Xumai Muruak hartu du Joana Itzainaren lekukoa Bertsularien Lagunak elkartean

BERTSOLARITZA. Lehendakari berria du Bertsularien Lagunak elkarteak: Xumai Muruak hartu du orain arte Joana Itzainak betetako ardura. Euskal Herriko Bertsozale Elkarteak batzarra egin zuen joan den larunbatean, Ozetan (Araba), joan den urteari errepasoa egin, eta aurtengo zereginak azaltzeko. 74 bazkide bildu ziren batzarrera, eta aho batez onartu zuten iazko balantze ekonomikoa.