Xabier Olasok irabazi du Zarate saria, 'Erraldoiak' izeneko kontakizunarekin

LITERATURA. Xabier Olasoren Erraldoiak kontakizunak irabazi du aurtengo Mikel Zarate haur literaturako saria. Hamabi lan lehiatu dira, eta erraldoi familia baten gorabeherak oinarri dituen ipuina hautatu dute epaimahaikideek —Leire Bilbaok, Miren Agur Meabek eta Xabier Mendigurenek—. Liburua udazkenean kaleratuko du Elkarrek. Argitaletxe horrek eta Lezamako Udalak bosgarrenez antolatu dute sariketa.