BERTSOLARITZA. Arabako Bertsolari Txapelketako hirugarren eta azken final laurdena jokatu zen atzo Aramaioko kultur etxean, eta Unai Andak lortu zituen puntu gehien: 241,5. Hala geratu zen gainontzeko kantukideen sailkapena: Andere Arriolabengoa (234), Oihane Perea (232,5), Felipe Zelaieta (227), Manuel Bendala (213) eta Asier Rubio (203,5). Gai jartzaile lanetan Aintzane Irazustak jardun zuen.
Bigarren faseko beste bi final laurdenetan, Asier Otamendi eta Manex Agirre nagusitu ziren aurretik, eta argituta geratu da jada finalerdietarako zeintzuk sailkatu diren. Hurrengo saioa Araiako Andra Mari aretoan izango da, 17:30ean.
Unai Andarentzat Arabako azken final-laurdena
Iruzkinak
Ez dago iruzkinik
Ordenatu
