TXOPET
'Ostabe zuloan'
Diskoetxea: Balaunka.
Izugarrizko eztanda ari da gertatzen Euskal Herri osoan. Euskal jaialdietako afixetan jada ez ditugu azken hamarkadetan ageri izan diren izen horiek hainbeste ikusten. Izen berriak, belaunaldi berriak, euren instrumentu, efektu, estilo, indar eta freskurarekin datoz. Eta ausartuko nintzateke esatera sare bat ere osatzen ari direla, elkar ezagutuz, ulertuz, estilo eta formak uztartuz. Txopet adibide garbia da, zeren, bai, rocka egiten dute, baina autotunea darabilte, gitarraren soinua ere bere-berea dute… eta efektu ezberdinak sartuta, rockzaleetatik hasi eta post-punk eta baita popzaleetaraino iristeko lan laburra argitaratu dute, musika urbanoaren zaleren bat edo beste ere txundituko duena. Beste behin. Bejondeiela.
