Twisted Teens
'Twisted Teens'
Argitalpena: Egilea editore.
Urteko disko onenen ditxosozko zerrendak iristear direla, iragan apirilean plazaratutako lan hau aipatzea ezinbestekoa iruditzen zait. New Orleans hiriko Do It Yourself punk azpimundutik azaleratutako kasetea da, zeinak 11 doinu biltzen dituen. Abestiotan, baina, punk espiritua nabarmena izanagatik ere, askotariko oihartzunak entzuten dira, tartean surfa, popa, elektronikoa eta countrya. Izan ere, taldearen instrumentu nagusietako bat pedal steel-a da, zeina oso erabilia baita country kutsuko kantuetan. Taldekideek Link Wray eta Roky Erickson klasikoak aipatu dituzte, baina baita larruzko punkean jantzitako heroiak ere; besteak beste, Agent Orange eta Wipers. Itzela.
