TRIKITIZALEEN GOZAMENERAKO FESTA

Trikitizaleek lepo bete zuten Azpeitiko (Gipuzkoa) Izarraitz kiroldegia atzo arratsaldean, San Jose eguneko trikiti jaialdian. Zaleen gozagarri, Trikitixa Elkarteak eta Azpeitiko Udalak elkarlanean antolatutako festan sei trikitilari talde aritu ziren, eta askotariko estiloak nahastu ziren, tartean Javier Lopez Jaso eta Marcelo Escrich jazz estiloko bikotearen doinuak eta Xabi Solanoren Esne Zopak proiektua. Beste urteetan ez bezala, inor ez zuten omendu.