TOZIBABE
'Discography 1984-1986'
Diskoetxea: Deanwell Global Music.
Thurston Moore Sonic Youtheko taldekide ohiaren aburuz, bilduma hau 2024ko diskorik onena da; alegia, duela berrogei urte Esloveniako punk tankerako hiru emakumek grabaturiko diskografia osoa. Taldearen proposamena AEBetako hardcorearen, Britania Handiko anarkopunkaren eta Kalifornia aldeko punk gotikoaren inguruan ardazten da, eta emaitza burmuin oro frijitzeko erregaia da, urratzailea eta lotsabakoa. Mooreren hitzetan, «gauza batzuk denboraz kanpokoak dira, eta bilduma honek denboran atzera egin eta Liublianako kaleetan bizirik eta punk egoteko gogoa ematen dizu». Bertan jasotako 26 napalm bonbak Trumpen inperio zaharberritua errausteko erabil litezke.
