TouchE Amore
'Spiral in a Straight Line'
Diskoetxea: Rise Records.
Badirudi Touche Amore taldearen zale askori azken boladan argitaratu dituzten abestiak ez zaizkiela gustatu, edo ez nahi beste behintzat. Eta egia da ageri dela lehengoetatik aldaketa txiki bat, naturala izan daitekeen eboluzio baten ondorio. Baina oraindik ere post-hardcorea da nagusi, eta rock alternatiborako bidea —hala aipatu du batek baino gehiagok— oraindik luzea dute. Hasierako Nobody’s-ek norbait epel samar edo erdi hotz utzi arren, Disasters bezalakoekin ongi berotuko da segituan, badaude horrelako harribitxiak eta. Izan liteke Spiral in a Straight Line honen aurrerapen abestiren batek gero etorri dena ongi ez ordezkatzea, baina, lasai, oraindik garrasi dezente eta zarata pixka bat entzun dezakegu eta.
