Tinko euskara elkartearen 25 urteko lanaren aitortza

Zinema aretoetan euskarazko lanik ez zegoela eta, gabezia horri irtenbidea emateko sortu zuen Marian Galarragak Tinko Euskara Elkartea, 1994an. Geroztik, milaka eta milaka haurrek izan dute nazioarteko filmak euskaraz ikusteko aukera. Horregatik, elkartearen 25 urteotako lanari gorazarre egin, eta urteurrena ospatu zuten atzo, Donostiako Tabakaleran egindako ekitaldian. Donostia Kulturari eta Joxe Ramon Iturain Axular ikastetxeko irakasle ohiari ere egin zitzaien aitortza, urteotan elkarteari emandako laguntza eskertzeko.