The Organ

The Organ Vancouver hirian (Kanada) eratu zen, 2001ean; handik hiru urtera, iraupen luzeko estreinako lana plazaratu zuen, Grab That Gun, baina, urte berean, taldeak trasteak utzi zituen, eta, 2006an, behin betiko agurra izan zen Thieves sei kantuko diskoa argitaratu zuen. Bada, Mint Records diskoetxearen eskutik berrargitalpen hau iritsi zaigu, zeinak grabazio biak biltzen dituen, estreinako diskoaren 40. urteurrenaren harira. 80ko hamarkadako post-punk itzaltsuan hazitako boskotea izan zen The Organ, poparekiko joera nabarmena ere erakusten zuen arren, batez ere Morrissey-ren antzeko ahotsa duen Katie Sketch-en manerak tarteko. Emakumezko bost musikarien talentua nabarmen islatzen da doinu itsaskor eta jostalari hauetan. Ezusteko berantiarra.