THE INNOCENCE MISSION
'Midwinter Swimmers'
Diskoetxea: Bella Union
Bai, bai, disko berria kaleratu du Pennsylvaniako (AEB) taldeak, aurreko See You Tomorrow lanetik lau urte pasatu diren honetan. Ohituta gauzkate beraien ekoizpen-erritmo geldo baina etengabera: taldea 1989an sortu zen arren, hamabi disko baino ez dituzte kaleratu, eta itxaroteak merezi izan du (beti bezala). Folk-pop dotore, hauskor eta sotilez betetako disko bat da, non nabarmendu behar diren, jakina, Karen Perisen kristalezko ahotsa eta Don Perisen gitarra onirikoak. Begiak itxi eta amets egiteko soinu-bandaren bila bazabiltza, probatu hau, mesedez.
