Tapiaren unibertsoari gorazarre

Joseba Tapiak atzo jaso zuen Donostiako Udalak Donostia Kulturaren bitartez ematen duen Adarra saria. Viktoria Eugenia antzokian izan zen ekitaldia, eta kontzertua ere eman zuen ondoren. Musikariaren ibilbidea laudatu dute saria eman diotenek, eta ibilbide oparo horren lagin bat eskaintzeko aukera izan zuen musikariak oholtza gainean. Lagun andana gonbidatuta eskaini zuen kontzertua Tapiak.