Sorterrian jaso du saria Teresa Catalan musikagileak

Teresa Catalan musikagile eta irakasle iruindarrak sorterrian jaso zuen, atzo, aurtengo Eusko Ikaskuntza-Laboral Kutxa Humanitate, Kultura, Arte eta Gizarte Zientzien saria. Konpositore eta hezitzaile gisa ez ezik, «kulturarekin duen konpromisoagatik» ere erreferentea dela adierazi zuen epaimahaiak saria hari emateko erabakia arrazoitzeko orduan. Nafarroako Museoan iluntzean egin zuten ekitaldian eman zioten garaikurra. Gazte Saria atalean, berriz, Imanol Zubiauz Arte Ederretako doktoreak jaso zuen aitortza, Pidgin izeneko ikerketa proiektuarengatik.