Soltek hardcore doinuei eutsi die 'EroAlea' bigarren diskoan

Solte taldekoek EroAlea (Autoekoizpena) haien ibilbideko bigarren diskoa kaleratu dute. Distantzia Nahikoa! lehen lanean bezala (MusikHerria, 2011), hardcore doinuen gainean osatu dituzte abestiak, metal, rock eta stoner ahaireei uko egin gabe. Lau abesti berri eta bideoklip bat dauzka lan berriak, eta hitzetan, berriz, «errealitatean ikusten duten injustizia» salatu dute. Santutxuko Siren estudioan grabatu dute, eta haien ustez, lehen diskoaren eta hurrengo lanaren arteko «zubilana» egingo du.