El Señor Igor

Esan daiteke Parisko bazter auzoetako griot bat dela El Señor Igor benindarra. Umorez eta poesia urbanoz betetako kantuak egiten ditu, eta haietan nabarmentzekoa da musikariaren ikuspuntu kritikoa eta ironia zorrotza. Haren laugarren lan luzea da, aurretik zenbait talderekin lan egin badu ere, eta aurrekoen helduleku musikal berdinei eusten die: Karibeko musikak (Calypso, Reggae), Afrikakoak (Sokous...) eta folk trobadorearen jarrera. Alde horretatik, nahasketa «alaia» gertatzen dela aipatu behar, edukiz betetako kantuak izanda ere. Bai, ustez, konplikazio handirik gabeko diskoa da, eta entzun-erraza, baina mamirik falta ez duena.