SAM LEE
'Songdreaming'
Diskoetxea: Cooking Vinyl.
Hamabi urtean laugarren diskoa du ingeles musikari, ikertzaile eta aktibistak. Sariz eta goraipamenez betetako ibilbidea da berea. Baina, horretaz gain, edo, batez ere, aipagarria hauxe da: baduela folk musika ulertzeko eta interpretatzeko modu oso berezkoa, zuzenean erroetara, mamira, jotzeko modua. Alkimia horrek, gainera, ongi funtzionatzen dio tresna tradizionalekin edo, azken honetan bezala, teklatu eta elektronika giro lanbrotsuekin. Berezkotasun hori da, ziurrenik, lan berri honen alderik aipagarriena, baita Black Dog and Sheep Crook-en moduko klasikoekin ari denean ere.
