SAL DEL COCHE
'Ciudad de Polvo'
Diskoetxea: Humo Internacional.
Bilboko Vulk post-punk bandarekin lotura duten Jangitz, Alberto eta Lizardik iaz plazaratutako disko interesgarrienetarikoa egin dute, jatorrizko taldean jotzen zituzten patroi angeluarrak abandonatuz, eta egitura, sonoritate eta erritmo askeetara jotzeko, betiere, ausardia nabarmena eta jarrera erabat inkonformista erakutsita. Horiek horrela, diskoan bildutako zortzi doinuek sigi-saga egiten dute askotariko putzuetan, nolabaiteko koherentzia inkoherentea haizatzeko: funk kubista, saxo hots libreak, perkusioak, hip-hop giroak... Ahaztu baino lehen, diskoa Oviedoko Humo Internacionalek plazaratu du, zeinak Tatxers nafarren grabazio berria ere argitaratu duen.
