Reggaearen aitzindari eta berritzailea

1970eko hamarkadan lehendabizi reggaeak eta ondoren dancehallak mundu osoan izan zuten garapenaren erantzule nagusietako bat izan zen U-Roy kantari eta musikari jamaikarra. Ez zuen toasting teknika sortu —disc jockeyek erritmo baten gainean hitz egin edo kantatzeari deitzen zioten—, baina publiko zabal batera eramatearen erantzuleetako bat izan zen. 60ko hamarkadaren hasieran hasi zen DJ lanetan, eta 70eko hamarkada iristearekin batera grabatu zuen bere lehenengo diskoa. 78 urterekin hil da.