Antzerkiaren Mundu Eguna ospatzeko egingo den ekitaldian, Huts Teatroa antzerki konpainiak Donostiako Udaleko Euskara Zerbitzuak eta Donostia Kulturak antolatutako Donostia Antzerki Saria jaso eta saria irabazi duen ikuskizuna emango du gaur, 20:00etan, Viktoria Eugenia antzokian: Publikoari gorroto. Bilbon, berriz, hiru ekintza daude programatuta Antzerkiaren Mundu Egunaren harira: nazioarteko adierazpenaren irakurketa, gaur, 12:00etan, Arriaga plazan; Galder Perez eta Lander Otaolaren Vamos a contar mentiras toda la vida komediaren estreinaldia, gaur, 20:00etan, Pabellon 6 agertokian; eta bi antzerki talderen arteko inprobisazio lehia, bihar, 20:00etan, leku berean.
Antzerkiaren Mundu Egunaren aurtengo ekitaldiko testua Dario Fo antzerkigileak idatzi du. Euskarazko itzulpena Iñaki Iñurrietak egin du; Armiarma.com atari literarioan irakur daiteke.
'Publikoari gorroto' emanez ospatuko dute Antzerkiaren Eguna Donostian
Dario Fok idatzitako testua irakurri, komedia bat estreinatu eta bi talderen arteko lehia egingo dute Bilbon
Iruzkinak
Ez dago iruzkinik
Ordenatu
