Peruarenak irakurleen saria jaso du

Mikel Peruarena idazle eta BERRIAko kazetariak 111 Akademiaren saria jaso zuen atzo, Andoaingo Bastero kultur etxean (Gipuzkoa) egin zen ekitaldi batean. Su zelaiak nobelarekin irabazi du saria Peruarenak, akademia horretako irakurleek bozketa bidez halaxe erabakita. Ekitaldian, nobela sarituko pasarteak irakurri zituzten hainbat irakurlek, Pello Ramirez musikariaren laguntzaz. Diploma bat ere eman zioten Peruarenari, eta Su zelaiak eleberriaren ale berezi bat, larruz azaleztaturikoa.