Pentsamendua eta poesia uztartuko dituzte bi saiotan

LITERATURA. Pentsamendua eta Poesia jardunaldien 11. aldia egingo dute hilaren 4an eta 5ean. Lehen egunean, errezital musikatua egingo dute Itziar Ancinek, Jon Iñaki Lasak, Estibalitz Martinez Diaz de Ceriok, Juan Manuel Uriak eta Xuan Bellok, Jon Makuso biolinarekin lagun dutela. Donostian, Viktoria Eugeniako Club aretoan izango da saioa. Hurrengo egunean, Txillida Lekun elkartuko dira: hitzaldia emango du Victor Gomez Pinek, eta, ostean, Joan Margaritek eta Itxaro Bordak beren poemak errezitatuko dituzte, musikarien laguntzaz.