Onintza Enbeita

Piztua du dagoeneko Euskal Herriko Bertsolari Txapelketaren alarma Onintza Enbeitak (Muxika, Bizkaia, 1979). Hala ere, «nahi baino gertuago» sentitzen du, Bizkaiko Txapelketaren «ajea» baitu oraindik. Ez du lehendabiziko aldia, ordea; 2005., 2009., 2013. eta 2017. urteetan ere hartu baitzuen parte. 2006az geroztik izan diren final guztietarako sailkatu da Bizkaian, eta txapela jantzi zuen 2018an.