Odei
'Goizegi hiltzeko'
Argitalpena: Egilea editore.
Odei musikariak erakutsi du, beste behin, artista hutsa dela. Jakina dugu hitzekin maisuki moldatzen dela, baina melodiei dagokionez ere, ez da atzean gelditzen. Estreinako diskoko iluntasun jarraitua oraingoan gutxitu bada ere, aise nabari da ongi landutako lana dela, xehetasun eta detaile txikiena ere ongi pentsatu eta zaindua baitirudi, bai konposizio eta baita ekoizpen aldetik ere. Hitzei dagokienez, zer esanik ez, rapean horren ohikoa den zorroztasuna ageri da abesti bakoitzean, baina gainera, aurretik ere erakutsi bezala, gai sakon eta pisutsuak jorratu ditu. Ez omen dugu edozein plazatan festa giroan entzungo, baina etxeko lasaitasunean, belarriak adi, plazera da horrelakoak aditzea.
