Nola eman hasiera XXI. mendeko lore jokoei

Abian da Loraldia. Udaberrian euskal kulturarentzako erreferentziazkoa izango den jaialdi bat sortu nahi izan dute antolatzaileek Bilbon, eta kontzertu, dantza ikuskizun, arte erakusketa eta bertso saioz betetako egitaraua prestatu dute horretarako. Atzo hasi ziren ekitaldiak Bilboko Arriaga antzokian, eta Antton Abbadiaren rolean aritu zen Aitor Mazo aktorea jaialdiari ongietorria ematen. XIX. mendeko lore jokoen sustatzailea, beraz, XXI. mendeko lore jokoei hasiera ematen.