ODD OKODDO
'Negore'
Diskoetxea: Altin Village & Mine.
Negore Keniako Odd Okoddo bikotearen bigarren diskoa da. Auma debutean bezala, Sven Kacirek perkusio jotzaileak eta Olith Ratego abeslari eta instrumentu egileak osatutako bikoteak aurrez egindako grabazioekin lan egin du kantu bilduma hau osatzeko. Oraingo honetan, KMRU soinu artistarekin eta Angel Bat Dawid klarinete eta baxu jotzailearekin lan egin dute, eta horrek Odd Okoddoren soinu-paleta zabaldu du, eta baliabide perkutibo, melodiko eta, noizean behin, elektronikoekin aberastu. Erroak, ikuspegi garaikidetik begiratuta, edo gaur egungo dodo musika.
