NALA Sinephro
'Endlessness'
Diskoetxea: Warp Records.
Ama belgikarrak eta sustraiak Martinikan eta Guadalupen dituen aitak Brusela kanpoaldean hazitako 28 urteko saxo jotzaile hau Ingalaterran bizi da egun. 2021ean plazaratu zuen bere estreinako lana, Space 1.8, zeinak jazz espiritualaren izpiak eta ambient elektronikako giro onirikoak haizatzen zituen. Hala, eta antzeko erreferentziei irmo eutsiz, bigarrena etorri da. Alice Coltrane edo Shabaka musikariak jomugan dituela, Floating Points-ek eta Pharoah Sanders-ek 2001ean grabatu zuten Promises bikainaren maila bertsuan kokatzen den grabazio bat egin du: soseguan amesteko edo meditatzeko 45 minutuko trip lasaigarria.
