LITERATURA. Ramon Saizarbitoriaren Martunene nobelak hamar urte beteko ditu aurten, eta, efemeride hori baliatuta, Bilbo Zaharra Forumak liburu hori omenduko du ekainean egin ohi duen irakurraldi publikoan. Horren aurretik, baina, datorren astean liburua aztertzeko sei hitzaldi antolatu ditu Bilbo Zaharra euskaltegiak. Astelehenetik asteazkenera egingo dituzte, 19:00etan, Euskaltzaindiaren egoitzan, Bilbon.
Pedro Alberdik Fikzioaren hitzarmenak hitzaldia emango du astelehenean, eta, haren ondotik, Markos Zapiainek Trauma eta transmisioa izenekoa. Hurrengo egunean, hilak 22, Mariasun Landak Irakurketa eta ebokazioa solasaldia eskainiko du, eta Juanjo Olasagarrek Martutene: irakurketa bat izenekoa. Eta asteazkenarekin, Itxaro Bordaren Eta emazteak zer? eta Iban Zalduaren Martutene: Esperimentu bat fikzioarekin izango dira entzungai.
'Martutene' izango dute aztergai Bilbo Zaharra Forumean
Iruzkinak
Ez dago iruzkinik
Ordenatu
