Mariasun Landaren ipuinak, sei orduz

Bilbo Zaharra euskaltegiak antolatuta, Literatur Klasikoen XIII. Irakurraldi Jarraitua egin zuten atzo, Arriaga antzokian. Mariasun Landaren ipuinen aukeraketa bat irakurri zuten, sei orduz, etenik gabe. Landak berak hasi zuen irakurketa, eta berrehun pertsona inguruk parte hartu zuten haren ondoren. Ekitaldiarekin, haur eta gazteen literatura omendu dute. Euskaltegiak duela hamahiru urte jarri zuen martxan egitasmoa, eta urtero literaturaren klasiko bat irakurri dute; aurten, ordea, narrazioen bilduma bat izan da. Ekainean egin ohi da, baina aurten atzeratu egin behar izan dute.