Mahai-inguru batek Pinilla eta Saizarbitoria elkartuko ditu Bilbon

Ramon Saizarbitoria eta Ramiro Pinilla idazleek Literaturaren etorkizuna Euskal Herrian gaia izango dute eztabaidagai datorren asteartean, urtarrilak 14, Bilboko Bidebarrietako liburutegiko ekitaldi aretoan, 19:30ean, Txani Rodriguez idazle eta kazetariak gidatutako mahai inguru batean. Bilboko Udalak antolatutako Literaturarekin programaren barruko aurtengo lehen ekitaldia izango da mahai inguru hori. Euskadi Literatura saria irabazi zuten iaz hala Saizarbitoriak nola Pinillak.