Los Planetas, Wolf Alice, Mala Rodriguez eta Belako, MTV galaren atarian

MUSIKA. MTVk banatzen dituen EMA sarien gala Barakaldoko BECen egingo dute, azaroaren 4an. Aurreko egunetan, urriaren 29tik azaroaren 3ra, doako hamazazpi kontzertu egingo dituzte Bilbon, Barakaldon, Getxon eta Durangon. Horietan, besteak beste, Los Planetas, Wolf Alice, Mala Rodriguez, Belako, La Pegatina, WAS eta Nathy Peluso ariko dira. Halaber, azaroaren 3an kontzertu bat hartuko du San Mamesek, baina bertan zein talde ariko diren ez dute oraindik jakinarazi.