'Longoz'

Badira oilo larrua jartzen dizuten diskoak, hain izan ohi dira intentsuak, basak, itxurakeriarik gabekoak... Ez dira asko, baina Reunion irlako kantariaren bigarren hau kategoria horretakoa da. Maloyaren erroak eta esperimentazioa uztartzen ditu, ia katartikoa gertatzen den kantu-bilduma osatzeko. Perkusioak, ahots indartsua eta tronboia baino ez, eta kreoleraz kantatutako istorio gordin eta hurbilak. Aurreko diskoarekin hainbat aho zabalik utzi bazituen, primerako notarekin pasako du bigarren diskoaren erronka. Poliki eta birritan entzutekoa da diskoa. Berriro ere erroak eta etorkizuna esku-harturik.